प्रियसंस्कृतानुरागिणः,

।। राष्ट्रस्तरीय-संस्कृतओलम्पियाड् परीक्षायै स्वागतम् ।।

राष्ट्रस्तरे वयं विद्यालयानां प्राचार्य-संस्कृतशिक्षक-परीक्षासंयोजकानां च सहयोगेन 2015तमवर्षादारभ्य (दशवर्षेभ्यः) निर्विघ्नतया इमां परीक्षां समर्थतया चालयन्तः स्मः । अनया परीक्षया संस्कृतच्छात्रेषु संस्कृताध्ययने रुचिवर्धनं जायते इति सर्वेषामपि अनुभवः वर्तते । CBSE,ICSE, SSC विद्यासंस्थानां 6 तः 10 कक्ष्यापर्यन्तं पठितारः संस्कतच्छात्राः सोत्साहं भागं गृह्णन्तीति प्रमोदं जनयति । परीक्षायाः प्रतियोगिताभावनया छात्रेषु न तु केवलं बौद्धिक-सांस्कृतिक-नैतिक-वैज्ञानिक-माननसिक-व्यक्तित्वविकासाः जायन्ते अपि तु संस्कृतभाषायां LSRW कौशलवर्धनञ्च भवति । अतः अस्मिन् दशमवर्षे 2024-2025 राष्ट्रियस्तरपरीक्षा भविष्यति। एतावद्भ्यः वर्षेभ्यः अस्मान् प्रोत्सहितवद्भ्यः विद्यालयप्रमुखेभ्यः मातृपितृभ्यश्चापि अस्माकं न्यासपक्षात् कृतज्ञतापूर्वकं निवेदनं क्रियते यत् अस्मिन् वर्षेऽपि संस्कृतछात्रान् परीक्षालेखनाय प्रेरयन्त्विति ।